Për të zbuluar më shumë rreth serialit “H.O.T”, që nis më 24 tetor në TV Klan, Ermal Mamaqi ishte i ftuar sot në “Jo vetëm modë”, ku përpos historisë si nisi puna për serialin dhe subjektin e tij, ai tregoi edhe një situatë jo të këndshme me një prej aktorëve.
Ermali u shpreh i zhgënjyer me një aktor, emrin e të cilit nuk preferoi ta thonte, por tregoi se ai krijoi një situatë të keqe gjatë xhirimeve.
“Me keqardhje e them që jam i zhgënjyer nga një aktor. Njerëzit harrojnë që në fakt ti kur je pjesë e një grupi pune, ti je një nga ata, sado i rëndësishëm që mund të jesh. Aktorët sillen keq në set, sillen keq me grimierin, me ekipin, regjisorin ose me kolegët. Kur ti bën këtë i shkakton një dëm shumë të madh produksionit dhe mbi të gjitha krijon një energji shumë të keqe në ekip. Dhe kur bën një film tjetër, ti kujtohesh që ky aktor është shumë i mirë, por problematik”, tregoi Ermali.